കാലാതിവര്ത്തിയായ് കാനനത്തില്‍ വാഴും
കാരുണ്യമൂര്‍ത്തിയെന്‍ കൈവല്യം
കാനനഛായയിലാനന്ദസുന്ദരം
അയ്യപ്പസ്വാമിതന്‍ ദേവാലയം എന്‍
അയ്യപ്പസ്വാമിതന്‍ ദേവാലയം
ജന്മജന്മാന്ദര സുകൃതമീ ജന്മം
മന്നിലീ മാനുഷ ജന്മം
കോടിജന്മത്തിന്റെ സുകൃതമീ
മന്നില്‍ മണികണ്ഠസ്വാമി ദര്‍ശനം
കെട്ടു മുറുക്കിയ പാപപുണ്യങ്ങളും
ഭക്തകോടികള്‍തന്‍ വൃതശുദ്ധിയും
കന്നിയയ്യപ്പനാമെന്റെ ശരക്കോലും
നടയിലുടയുന്ന നെയ്തേങ്ങയും
അഹമാമിരുട്ടിന്നു വെളിച്ചമല്ലോ
അവിടുത്തെയലിവിന്‍ നിദാനമല്ലോ
എന്നും വിളങ്ങണം ശരണമന്ത്രം നാവില്‍
നിലവിളക്കാവണം എന്‍ ഹൃദയം
മഹിഷീമര്‍ദ്ദന നീയെന്റെയുള്ളിലെ
കാമാദി വൈരങ്ങള്‍ തീര്‍ത്തരുളൂ
ബാഹ്യരൂപം പോല്‍ ഉള്ളിലും നീയെന്നെ
സ്വാമിനാമത്തിനര്‍ഹനാക്കൂ എന്നെ
അയ്യപ്പസ്വാമി ദാസനാക്കൂ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ