അയ്യപ്പ സ്വാമി ശരണം
അയ്യപ്പ സ്വാമി ശരണം
മാമല വാസന്‍ അഭയം
ശരണം വിളിക്കുമെന്‍ കണ്ഠത്തിലെന്നും
മണികണ്ഠസ്വാമി വസിതം - സത്യ
ശരണഘോഷത്തിന്‍ ലയനം
വ്രത പരിശീലന കാലം -അതു
കൃതമാം സല്‍പുണ്യ കര്‍മ്മ ഫലം
എന്‍ ലോല മനസ്സിലുമനുരണനം
സത്ചിദാനന്ദമാം പ്രണവമന്ത്രം
തത്ത്വമസീ മഹാവാക്യ ലക്ഷ്യം
ഓം ഓം ഓം
പഞ്ചേന്ദ്രിയങ്ങള്‍ക്കും പരമപദം തേടാന്‍
സഞ്ചിത കര്‍മ്മം നിന്‍ കാല്‍ക്കല്‍ വയ്ക്കാന്‍
അഹമൊഴിഞ്ഞഭിമാന ഭാരമൊഴിഞ്ഞു ഞാന്‍
ഇഹപര സുകൃതത്തിന്നുരുവായി
ശരണമന്ത്രത്തില്‍ ലയമായി
ഓം ഓം ഓം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ