ഇരുമുടിയാണെന്‍ സമ്പാദ്യം
ശരണം വിളിയെന്‍ പാഥേയം
ഇഹപര സുകൃതത്തിന്നാധാരം
എന്‍ അയ്യന്‍ നല്‍കും ശരണലയം
സ്വാമി അയ്യന്‍ നല്‍കും ശരണലയം
സ്വാമിയേ ശരണം സ്വാമിയേ ശരണം
സ്വാമിയേ ശരണം അയ്യപ്പാ...
അഹമാം നെയ്യു നിറച്ചൂ തേങ്ങയില്‍
അറിവില്ലായ്മതന്‍ അഹങ്കാരവും
മോഹ ശതത്തിന്‍ മലര്‍പ്പൊതിയും പേറി
ആറുപേര്‍ നിന്നു വിളയാടിയോരുള്ളത്തെ
അവിടുത്തെ പടികളില്‍ അടിയറവെക്കുവാന്‍
താങ്ങിത്തളര്‍ന്നുവരുന്നൊരു കന്നി ഞാന്‍
സ്വാമിയേ ശരണം സ്വാമിയേ ശരണം
സ്വാമിയേ ശരണം അയ്യപ്പാ.
കഴലിണ താണ്ടി വരുന്നേരം
അഹമാണെന്നുടെ കാണിയ്ക്ക
അഴലുകള്‍ നടയിലുടഞ്ഞേ പോകാന്‍
അയ്യനാണഭയം അനവരതം
എനിക്കെന്റെ സ്വാമിയാണെല്ലാമെന്നുമെന്നും
സ്വാമിയേ ശരണം സ്വാമിയേ ശരണം
സ്വാമിയേ ശരണം അയ്യപ്പാ
അറിവിന്റെ അക്ഷതം അക്ഷരമായെന്നില്‍
ഉറവയായൊഴുകണേ ഭഗവാനേ നിന്‍
നാമവും പേറി ഞാന്‍ പടികയറുമ്പോള്‍
'തത്വമസി' യെന്നുള്ളില്‍ നിറവാകണേ
ആ ശരണമന്ത്രം ഉള്ളില്‍ ഉറവാകണേ
സ്വാമിയേ ശരണം സ്വാമിയേ ശരണം
സ്വാമിയേ ശരണം അയ്യപ്പാ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ