35 വെണ്ണയല്ലേ ഉണ്ണിക്കണ്ണനല്ലേ

വെണ്ണയല്ലേ ഉണ്ണിക്കണ്ണനല്ലേ


വെണ്ണയല്ലേ ഉണ്ണിക്കണ്ണനല്ലേ
കായാമ്പൂവര്‍ണ്ണനെന്‍ പുണ്യമല്ലേ

നല്‍നറും പാലതില്‍ വെണ്ണയീമട്ടില്‍
കണ്ണനുലാവുന്നുണ്ടെല്ലാടവും
പൈക്കളെ മേക്കുന്ന ഭാവത്തിലീ വിശ്വം
കാക്കുന്നതും കണ്ണനെന്നുമെന്നും

ഗോപികാനാരിമാരെല്ലാരുമമ്മമാര്‍
കണ്ണന്നു പീയൂഷമേകിയവര്‍
ഗോക്കളുമമ്മമാര്‍ ശ്യാമളവര്‍ണ്ണന്നു
പാലമൃതൂട്ടിയും ധന്യരായി

വേദവേദാന്തിക്കുമീശ്വരനാം കണ്ണന്‍
വേദാന്തസാരസര്‍വ്വസ്വം ഭവാന്‍
നാദനിരാമയമോങ്കാരമാണല്ലോ
ഗീതാമനോഹര ദുഗ്ധ ധാര

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ