ശരണം ശരണം ശബരിമാമല
വാഴുമയ്യന്‍ ശ്രീപദം
സകലദുഖ: ദുരിതഹരണം
ശരണദം ഹരിഹരസുതം
ശരണം ശരണം
മണ്ഡലത്തിന്‍ മഹിമയെല്ലാം
വിണ്ടലത്തില്‍ നിറയവേ
കയറി ഞാനും തനുവില്‍ വ്രതമായ്‌
ശബരി മലയില്‍ പലവുരു
എങ്കിലും എന്നയ്യനേ
എന്നുള്ളം, അഹമൊരു കാനനം
അരികള്‍ തിങ്ങിയും ഇരുളടഞ്ഞും
ജ്യോതി തേടും മാനസം
ശരണം ശരണം
അരികിലടിവെച്ചഹമുടയ്ക്കാന്‍
അയ്യനെന്‍ ഗുരുവാകുകില്‍
മറ്റുപടികളതേറുവാന്‍ കൃപ
യിറ്റു വരുമെന്നായിടും
അനിശ,മവിടുന്ന,ണുവിടയ്ക്കെന്‍
നേര്‍ക്കു ദൃഷ്ടിപൊഴിക്കുകില്‍
പാപപുണ്യക്കെട്ടുകള്‍തന്‍
ഭാരമൊക്കെയൊഴിഞ്ഞിടും
ശരണം ശരണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ